Վանակատ(Օբսիդիան)
Վանակատը միասեռ ապակենման հրաբխային թթվային ապար է ։Սովորաբար մուգ երանգներով է լինում(սև, կարմրասև, դարչնագույն, ծխագույն, գորշ) և խեցային ջարդվածքով։
Ինձ շատ է հետաքրքրում օսիդիանը որովհետև շատ սուր եզրեր ունի և կարելի է օգտագործել որպես դանակ։Բացի այն շատգեղեցիկ երանգներ ունի։ Ես ունեմ իմ հավաքածուն։
Ահա մի քանիսը.
Այս քարը առաջին անգամ օբսիդիան անվանել է հին հռոմեացի բնագետ Պոլինուս Ավագը: Օբսիդիանը այլ կերպ անվանում են նաև վանակատ, ապակեքար և սատանի եղունգ։ Հայաստանում շատ է տարածված ։
Օբսիդիանի պատմությունը եկել է դեռ քարե դարից :
Այդ ժամանակներում այն օգտագործվում էր դանակներ, մանգաղներ, զենքեր, քերիչներ և այլ իրեր պատրաստելու համար: Ավելի ուշ դրանից սկսեցին պատրաստել դեկորատիվ իրեր և տարբեր զարդեր:
Հայաստանում կան օբսիդիանի մեծ պաշարներ։Նույնիսկ Երևանից Սևան տանող ճանապարհին կարելի է տեսնել արևի տակ շողացող վանակատի շերտերը։Օբսիդիանի մեծ հանքավայրեր կան Արագածոտնի մարզում։Արտենի լեռան մոտ կան շատ գեղեցիկ հանքեր։
Սա Արտենի լեռն է։ Ես նրան ասում եմ քաչալ սար😄։
Ժողովուրդը օբսիդիանին մոգական հատկություներ է վերագրել։ Պարզվում է, որ վանակատից պատրաստված նշտարով արված կտրվացքը ավելի արագ է լավանում,քան մետաղական նշտարինը։
Ներկայումս օբսիդիանից ստանում են պեռլիտ, որը հրակայուն նյութ է, ունի ջերմա-և ձայնամեկուսացնող հատկություններ։Ունի հեղուկները ներծծելու մեծ հատկություն։Օգտագործում են սպորտային վայրերում, կեղտաջրերի մաքրման համար սննդային և դեղագործական արդյունաբերության մեջ՝ որպես ֆիլտր։
Առայժմ այսքանը։