Մեր ճամփորդությունը հետաքրքիր անցավ։ Մենք այցելեցինք Ագարակի հնավայր, Արուճի Կաթողիկե եկեղեցի , քարավանատուն, Թալինի Կաթողիկե եկեղեցի և Դաշտադեմի ամրոց։
Ես ահագին նոր բան իմացա։ Օրինակ, որ Ագարակի հնավայրը տարբեր դարաշրջանների պատմություն ունի ։ Այն սկսվում է վաղ բրոնզե դարից։ Տեսա շատ քարեր , որոնց վրա փոսեր էին արված։ Ես կարդացի ,որ այստեղ գտել են հնձաններ(գինի սարքելու տեղ ), թոնիրներ , դամբարաններ, խեցեղեն։
Արուճի եկեղեցին կառուցել է Գրիգոր Ա Մամիկոնյանը 660-ական թթ։ Տաճարը գտնվում է թեև կանգուն, բայց կիսավեր վիճակում։ Նախկինում ներսից պատկերված է եղել Համբարձման տեսարանը ներկայացնող որմնանկարներով, որոնք այժմ գրեթե անհետացել են։ Արուճում պահպանվել են նաև բրոնզի դարի դամբարանների, հին ամրոցի, քարավանատան (XIIIդ) և այլ հուշարձանների ավերակներ։
Թալինի Կաթողիկե եկեղեցին կառուցվել է 7֊րդ դարում Կամսարական իշխանների կողմից։ Այն ավերվել է հզոր երկրաշարժից, հետո այն փորձել են վերականգնել, բայց կիսատ են թողել։
Ասում են ,որ այս եկեղեցին շատ նման է Անիի մայր տաճարին, բայց ավելի մեծ է։
Այս դամբարանը հայտնաբերվել է 1990֊ականներին։
Սա Արտենի լեռն է ,որի մոտ շատ օբսիդիանի հանքեր կան։
Դաշտադեմի ամրոցը գտնվում է Քաղենի բնակատեղիի մոտ և շատ հին է ։ Ասում են ,որ այն եղել է Վանի թագավորության ժամանակաշրջանում, հետո վերակառուցվել է Կամսարականների կողմից։ Մենք բարձրացանք աշտարակների վրա։ Այնտեղից երևում էր ամբողջ տարածքը։ Ես այստեղ էլի էի եկել, բայց շատ հետաքրքիր էր նորից գալ։ Ես սիրում եմ բերդերը։
Վերևում ես եմ 😊։